Германскиот првак Баерн Минхен повеќе од три недели не знае за победа во Бундеслигата, па кулминација на кризата барем во домашниот шампионат е денешниот пораз од Аугсбург со 0-1, што е четврти меч по ред без победа на баварската машина.

Сосема неочекувано после убедливиот почеток на сезоната, Баерн распродава бодови во домашното првенство, па по трите ремија по ред со Борусија Менхенгладбах, Унион Берлин и Штутгарт, сега дојде и првиот пораз за кој главен виновник е Мергим Бериша со голот по еден час игра.

Баерн со поразот и серијата без пораз сега падна на четвртото место со 12-те бода од седум меча, три помалку од лидерот Борусија Дортмунд која со 1-0 го победи Шалке 04 со голот на Јусуфа Мукуоко на 11 минути пред крајот на мечот.

Баер Леверкузен и Вердер ремизираа 1-1, а Ајнтрахт Франкфурт со 3-1 славеше на гости кај Штутгарт во преостанатите денешни два меча од редовниот термин во германската Бундеслига.