Мидлсборо е вистински „убиец“ на фаворити во ФА Купот, бидејќи откако го елиминираше Манчестер јунајтед во претходната рунда и тоа на „Олд Трафорд“, вечерва шокираше уште еден премиерлигаш Тотенхем.

Тимот од Чемпионшип дивизијата славеше со минимални 1-0 и тоа во продолженијата. По регуларните 90 минути немаше погодоци на „Риверсајд“. Херој на домашниот состав беше Џошуа Кобурн во 107.минута од натпреварот со што го одведе Мидлсборо во четвртфиналето на ФА Куп.