Португалскиот ветеран Кристијано Роналдо е гладен за голови, и по кој знае кој пат се покажа како херој за тимот за кој настапува. Португалецот постигна гол од пенал во 90+7 минута за Ал Наср кој на крајот триумфираше со 2:1 на гости кај Ал Шабаб.
Дуелот беше мирен до 69 минута, кога Ал-Наср поведе со голот на Лапорт. Во 90 минута, Ал Шабаб се израдува на авоголот на Ал Хасан за израмнување на 1:1. Во 90+7 минута, беше досуден пенал за Ал-Наср, а Кристијано Роналдо постигна гол за 2:1. Ова беше 45 гол за Роналдо во 44 натпревар за тимот од Саудиска Арабија.
Сепак, тука не беше крајот на драмата, затоа што Ал Шабаб доби шанса да израмни на 2:2, но пеналот во 90+13 минута домаќините не го реализираа и Ал Наср победи.
