Освојувачот на Купот, тимот на кавадаречки Тиквеш, оствари победа од 2-0 против шампионот на Косово, Балкани, на пријателскиот натпревар во Охрид.

Стрелци на головите за кавадарчани беа Бразилецот Робертињо во 71.минута и Александар Вареловски во 90.минута.

Екипата на Ѓорѓи Мојсов полека влегува во потребната форма во пресрет на премиерниот настап во квалификациите од Конференциската лига. Прв ривал таму ќе му биде Брејдаблик од Исланд.