Големиот аргентински ас Лионел Меси постигна уште еден чудесен гол, но сепак недоволно за победа на Интер Мајами и освојување на три бода во дуелот против Торонто во МЛС лигата.

Пресметката заврши нерешено 1-1, со два прекрасни голови, од кои едниот беше дело на аргентинецот. Торонто дојде во водство по одличниот соло продор на Бернардески во втората минута од судиското надополнување.

Меси го израмни резултатот само три минути подоцна. Аргентинската звезда доби топка на работ од шеснаесетникот и со полуволеј удар ја испрати топката во долниот лев агол на мрежата на противничкиот голман.

Во останатиот дел од натпреварот екипата на Интер имаше голема иницијатива, беше доминантна и имаше дури единаесет удари кон голот на противникот, но резултатот до крајот беше непроменет.