Елиф Елмас продолжува со одлични игри во дресот на Торино, и денес постигна нов гол во Серија А, а неговиот тим одигра нерешено (1-1) против Верона.

Македонскиот репрезентативец Елмас голот го постигна во 67. минута, кога прими топка во казнениот простор од Никола Влашиќ и со одличен удар го израмни резултатот, и донесе бод за неговиот тим Торино.

Претходно, Торино имаше прилика да дојде до водство по пеналот во 62. минута, но Че Адамс не успеа да го реализира, а казната стигна две минути подоцна со голот на Верона во 64. минута што го постигна Амин Сар.

Торино се наоѓа на десеттата позиција во Серија А со 40 бода, додека Верона е на четиринаесеттото место со 31 бод.

ОВДЕ можете да го погледнете голот на Елмас против Верона.