Шалке се врати во Бундеслигата по една сезона играње во втората лига од германскиот фудбал. Мисија за повраток заврши со саботната победа од 3:2 против Сент Паули во претпоследниот натпревар, 33. коло. Следеа луди сцени на славење на навивачите.
По натпреварот и последниот судиски свиреж настана хаос на теренот. Започна прославата на играчите со над 60 илјади навивачи на стадионот за овој натпревар, а сцените снимени по прославата Шалке ги објави на своите социјални мрежи.
Делови од тревникот исчезнаа во рацете и џебовите на навивачите кои сакаа да задржат дел од историјата за себе. Клубот со фотографија во позадина откри дека тревникот не ја издржал нивната прослава, а богами настрадала и конструкцијата на голот.
