Актуелниот првак Реал Мадрид ја постигна 11. победа во Ла Лига сезонава со триумфот на гости против Џирона со 0-3. Нашиот репрезентативец Бојан Миовски беше стартер кај домаќинот, одигра еден час, но немаше посериозна шанса да го загрози голот на Тибо Куртоа.

„Кралскиот клуб“ дојде во водство во 36.минута со голот на Џуд Белингам, а потоа истиот играч му асистираше на Арда Ѓулер за вториот гол во 55.минута.

Килијан Мбапе го постигна третиот гол во 62.минута од дуелот.

Реал Мадрид е второпласиран со 36 бода, два помалку од Барселона, но и еден одигран натпревар помалку.

Тимот на Џирона е на осмата позиција со 22 бода.