Џејк Пол ја продолжи својата победничка серија во боксерскиот ринг со застрашувачки нокаут на Тајрон Вудли во шестата рунда од борбата во Тампа. Додека многумина останаа вчудоневидени од силината на неговиот удар под кој падна поранешниот шампион на УФЦ, има и такви кои во сè гледаат наместена борба, посочувајќи го деталот пред нокаутот.
За контроверзниот Јутјубер ова беше петта победа по боксот и четврта со нокаут. Пред двата судири со Вудли, тој ги победи колегата Јутјубер АнЕсон Гиб и поранешната ѕвезда на УФЦ Бен Аскрен со судиска одлука во првата рунда, а се справи со поранешната НБА ѕвезда Нејт Робинсон со класичен нокаут во втората рунда.
Љубителите на боксот се појавија со различен агол на гледање за моментот на нокаутот.
Имено, пред Пол да зададе удар со кој заврши борбата, со десната рака, истата со која страшно го нокаутира противникот, тој како да добива сигнал од Вудли дека е време за крај на борбата и намерно го спушта гардот.
