Барселона ја запиша својата 14-та победа во Ла Лига оваа сезона, триумфирајќи со минимални 1-0 против Алавес. Решавачкиот момент го донесе Роберт Левандовски во 61. минута, пробивајќи ја цврстата одбрана на гостите.

Голот дојде по одличен волеј-обид на Ламин Јамал од десната страна, кој Полјакот умешно го насочи во мрежата.

Иако Барса не одигра блескав натпревар, успеа да ги освои трите значајни бода. Со оваа победа, каталонскиот тим сега има 45 бодови, четири помалку од лидерот Реал Мадрид, враќајќи се целосно во борбата за титулата.

Левандовски со голот за победа на Барселона стана единствен во Европа по едно достигнување. Тој е првиот играч кој има 30+ гола во ТОП-5 лигите во овој дел од сезоната.

Барселона во следното коло гостува кај Севиља, додека Алавес го чека домашен дуел со Хетафе.