Црногорските ракометари ја совладаа Хрватска со 32:26 (15:9) во Будимпешта на отворањето на втората фаза од Европското првенство.

По Словенија, избраниците на Зоран Рогановиќ ја надиграа уште пофаворизираната Хрватска и со тоа стигнаа до првата победа во историјата на ЕП, сметајќи ја само втората фаза.

Црногорците од првата до последната минута ја хадиграа Хрватска и во ниту еден момент триумфот не дојде во прашање, додека „каубоите“ шансите за полуфинале ги сведоа на доменот на теоријата.

Блескаше голманот Небојша Симиќ со 14 одбрани, а Милош и Бранко Вујовиќ постигнаа по седум, Немања Грбовиќ пет, а Васко Шеваљевиќ и Сефан Чавор по четири гола.

Во Хрватска Иван Чупиќ даде шест, а Лука Циндриќ пет – останатите беа потпросечни.

Црна Гора на тој начин стигна до првите бодови, кои се бројат во оваа рунда, додека „каубоите“ сеуште се без еден и тешко дека ќе можат да се изборат за пласман понатаму.

Посебно ако слично играат против моќната Данска, незгодниот Исланд и хитот на турнирот на Холандија.

Натпреварот го отвори Хрватска поведе пред Чупиќ и тоа беше единственото водство на „каубоите“ на овој меч.

Во само два напада Црна Гора го сврте резултатот, а потоа Милош Вујовиќ тргна да го тероризира ривалот од лево крило.

Веќе во 14. минута Црногорците имаа +3 (6:3) и не му дозволија на фаворизираниот ривал да се приклучи, уште повеќе – клучната разлика беше направена на крајот од првото полувреме.

На четири минути до одморот, Црногорците направија серија од 4:0 и со максимални шест гола заминаа на одмор (15:9), казнувајќи ја безидејната игра на Хрватска во организација на нападот.

Хрватска подобро го отвори продолжението, спушти на минус четири (15:11), но по раниот тајм-аут на Рогановиќ, Црна Гора се врати.

Рампата ја спушти одличниот Небојша Симиќ на голот, ги полуде хрватските шутери, па дури и асот на Барселона Лука Циндриќ.

Со две „бомби“ од позицијата десен бек погоди Бранко Вујовиќ во моментите со двајца играчи помалку и немаше враќање за Хрватска, иако најблиску до четири гола заостанување стигнаа во 46. минута (22:18).

Подоцна Црна Гора рутински го приведе натпреварот до крај и направи, така да се каже, мини-сензација.

Никој нема да може однапред да ги отпише Црногорците …