Футсал репрезентацијата на Португалија се пласираше во финалето на Европското првенство во Холандија. Беше подобра од соседот и седумкратен шпански шампион со 3:2, иако губеа со 2:0. Така и се приклучи на Русија, која во претходниот натпревар ја совлада Украина, земја со која е на работ на војна.
Шпанците поведоа во 17. секунда преку Раул Гомез, а Чино беше прецизен до полувремето. Во 29 минута, феноменалната игра по левата страна го ослободи Коељо и намали на 1:2. Зики погоди во 32. минута за израмнување, а истиот играч умешно ја сврте топката во мрежата за водство на минута и пол пред крајот.
Финалето меѓу Русија и Португалија се игра в недела од 17:30 часот, додека мечот за третото место се игра три часа порано. Португалците се актуелни европски и светски шампиони, а Русија својата единствена титула досега ја освои во Шпанија во 1999 година.
