Руската биатлонка Валерија Васнецова на Инстаграм ја критикуваше лошата исхрана на Зимските олимписки игри во Пекинг. Таа објави фотографија на која се гледаат неколку макарони, компири, малку сос и неколку парчиња месо. “Стомакот ме боли, многу сум бледа и имам големи темни подочници. Готова сум. Плачам секој ден, толку сум уморна”, напишала Русинката покрај фотографијата.
Васнецова јадеше од ова мени најмалку пет дена по пристигнувањето во олимпискиот балон.
Асошиетед прес додава дека поплаките на руската биатлонка биле успешни бидејќи сега добива поразновидни оброци во поголеми количини.
