Украина речиси три недели се бори против руската армија, која почна инвазија на 24 февруари, а дел од украинските спортисти решија да ѝ се приклучат на војската и да помогнат во напорите да се одбијат нападите од противникот.

Сергеј Стаховски е еден од познатите спортисти кои земаа пушка во рака, а на него му се приклучи уште една украинска тениска легенда, Андриј Медведев.

Медведев играше тенис од 1991 до 2001 година, а стигна и до четвртото место во светот. Играше финале на Ролан Гарос и освои 11 титули, па сега реши да им помогне на сонародниците.

„Легендата на светскиот тенис е подготвена да остане во Киев и да ги чека непријателите. Неверојатно ми е мило да го видам капитенот на украинската репрезентација. Украински патриот“, напиша Стаховски.