Тренерот на Болоња, Синиша Михајловиќ, одржа мотивациски говор за своите играчи од болничката соба. Михајловиќ преку видео врска се поврза со своите фудбалери кои беа во тренинг центарот на Болоња за да ги информира за моменталната ситуација, но и да ги мотивира пред мечот со Милан.
„Физички нема да бидам присутен со вас, но секогаш сум тука со вас. Сите натпревари ќе ги гледам од мојата соба и сум во постојана комуникација со тренерскиот тим. За жал, ова го поминавме пред неколку години, но сигурен сум дека ќе се борам, исто како и вие за мене. Ние веќе еднаш ја победивме оваа болест, можеме повторно. Животот не тече без проблеми, туку со нив. Има два начина да се оди. Едниот е катастрофален, при што може да се жалите и да ја изгубите вербата. Другиот е конструктивен, да се бара позитивната страна на нештата, да се вложи труд“, рече Михајловиќ.
Болоња в понеделник ја очекува дуел со тимот на Милан на „Сан Сиро“, а Михајловиќ им порача дека натпреварот нема да биде лесен и дека нивниот ривал ќе има поддршка од 60.000 навивачи.
