Ракометарите на Веспрем победнички ја почнаа новата сезона во Лигата на шампионите (ЛШ), откако на домашен терен го совладаа ПСЖ (34-31) и тоа со сензационален пресврт во последните 15 минути од мечот.

Унгарците на влез во последната четвртина од средбата имаа негатива од четири погодоци (20-24), но тоа не ги демотивира, па од тој момент направија серија 11-4, со која дури и дојдоа до убедлива предност која ја задржаа до самиот крај.

Омар со десет и Штрлек со осум гола беа најпрецизни кај Веспрем, додека Манасков немаше погодоци, а голманот Коралес запре 14 удари. Кај ПСЖ, Хансен даде седум, а Лука Карабатиќ пет гола.