Ливерпул го загуби финалето на Лигата на шампионите од Реал Мадрид со 0-1, а херој на „кралевите“ беше голманот Тибо Куртоа кој имаше девет фантастични одбрани. “Црвените“ не успеаја да се „одмаздат“ за поразот од пред четири години, напротив, сега си навлекоа нови фрустрации.
Ако се анализираат последните три финалиња во кои учествуваше тимот на Клоп, Ливерпул не успеа да постигне ниту еден гол. Ова секако е можеби и пресуден фактор.
„Во тесен фудбалски натпревар во кој имавме многу повеќе удари, на крајот не победивме. Лесно е да се каже зошто, не постигнавме гол. Другиот проблем е што од 24 шута паметам само три одбрани од светска класа на Куртоа. Со нашиот квалитет можеме да им правиме повеќе проблеми на противниците“, изјави Јирген Клоп.
