Отпишаниот Марко Асенсио во редовите на Реал Мадрид, кој не успеа да се врати во формата од тешката повреда пред три години по кинењето на лигаментите, е на чекор да направи трансфер во Манчестер јунајтед за 30 милиони евра.

Шпански „Релево“ објави дека англискиот великан силно е заинтересиран за да го ангажира, особено што „кралевите“ го отпишаа за оваа сезона, а првиот човек Флорентино Перез на Карло Анчелоти му наредил да го стави на трибини, па сега во следните 48 часа се очекува официјална понуда и конечен договор.

Наводно за Асенсио се заинтересирани и уште други клубови од Англија и Италија, но најавите од Манчестер се дека понудата е најпривлечна, па офанзивниот фудбалер со две раце ќе ја прифати.

Шпанецот сезонава има вкупно осум минути во три меча и нема иднина во клубот. Манчестер јунајтед, пак, за 70 милиони евра минатата недела го купи Касемиро, еден од тројцата стартери во средниот ред на „кралевите“.