Рафаел Надал загуби на стартот од Зелената група од финалето на АТП. Тејлор Фриц победи во два сета…
Тејлор Фриц по вторпат годинава победи против Рафаел Надал. Го победи во финалето на Индијан Велс со 6:3, 7:6, а на АТП финалето беше подобар со 7:6, 6:1.
Ова е трет последователен пораз на Надал и трет пораз во низа од Американците. Откако беше поразен од Френсис Тиафо и Томи Пол, сега тоа го направи најопасниот од сите, Тејлор Фриц.
Првиот Американец на завршниот турнир по 2018 година и Џон Иснер, одигра многу добар меч, не му дозволи на Надал ниту една брејк топка, а од друга страна беше опасен на противнички сервис.
Во првиот сет Надал спаси три брејк топки, една во третиот гем и две поврзани во седмиот. Сетот беше решен во тај-брејк во кој Фриц стартуваше со 3:0 и не ја испушти стекнатата предност.
Во вториот сет Надал го загуби сервисот на 2:1, а потоа Фриц притисна на 4:1. Тој имаше пет брејк топки во маратонска игра, успеа да дојде до двоен брејк и тука заврши приказната.
Фриц на тој начин ја забележува првата победа, а Надал, како и Оже-Алиасим , почнува со пораз.
Финале на АТП, Зелена група, прво коло:
Тејлор Фриц (САД) – Рафаел Надал (Шпанија) 7:6(3), 6:1
