Манчестер јунајтед победи со 1-0 против Вулверхемптон во последниот нивни меч за 2022 година, а херој на екипата на Ерик Тен Хаг беше напаѓачот Маркус Рашфорд.

Рашфорд не доби шанса од првата минута и остана на клупата затоа што Тен Хаг реши да го казни поради дисциплински причини, но англискиот репрезентативец доби шанса во вториот дел и веднаш ја искористи.

Англичанецот во 76. минута стрелаше за 1-0, а потоа погоди уште еднаш, но погодокот беше поништен поради игра со рака.

„Ѓаволите“ со денешниот триумф се искачија на четвртото место и имаат 32 бода, односно осум помалку од лидерот Арсенал.