Ѕвездата на Хатајспор, Кристијан Атсу, е извлечен од под урнатините по катастрофалниот земјотрес што ја зафати Турција. Тој е префрлен во болница со повреди на ногата и на градниот кош.

Постоеја сомнежи дали навистина Атсу е жив, па турските медиуми објавија и видео-снимка од неговото извлекување од урнатините.

И на социјалните мрежи се појави видеото за кое се тврди дека е од местото каде што бил извлекуван фудбалерот од Гана. Атсу имаше среќа да биде пронајден жив, тој е во болница со повреди на ногата и имал отежнато дишење.