Македонскиот автомобилист Игор Стефановски-Иџе со победа на трката во Бузет, Хрватска ја задржа предноста која ја имаше во генералниот пласман и по третпат во кариерата стана европски шампион на ридски патеки.
Летечкиот Македонец имаше фантастична сезона во европскиот шампионат на ридски патеки, денеска во Бузет дојде до седмата победа од вкупно десет трки колку што се возеа, на три беше втор. Така Иџе на убедлив начин ја освои титулата.
За него ова е трета титула европски шампион на ридски патеки. Претходно највисоко на тронот беше во 2014 и 2015 година.
