Динамичен и возбудлив натпревар одиграа Атлетик Билбао и Валенсија во 11. коло од шпанската Ла Лига, а на крајот одиграа нерешено и си поделија по еден бод.

Де Маркос погоди за водство на Атлетик во 32. минута од натпреварот, по што мрежите мируваа во следниот половина час пред да се разигра тимот на Валенсија и со головите на Перез и Дуро да направи целосен пресврт (2-1).

Валенсија успешно се бранеше од нападите на Атлетик, но не издржа до крајот и во 97. минута прими погодок за конечни 2-2 стрелец беше Беренгуер.

Атлетик Билбао е шести на табелата со 18 бодови, додека Валенсија е на деветтата позиција со 15 бода.