НБА лигата ќе добие нов шампион откако Денвер Нагетс доживеа болна елиминација во конференциското полуфинале од Минесота Тимбервулвс.
Актуелниот првак доживеа уште еден незгоден пораз на домашен терен од „волците“ (90:98) и тоа во ситуација кога имаше и 20 поени предност на почетокот на третиот период.
Резултатот 58:38 не беше доволен за рутинско второ полувреме за Никола Јокиќ и неговите соиграчи, бидејќи Минесота ја подобри играта во одбрана и ја стопи предноста, влегувајќи со само минус еден во завршниот период.
Следуваше доминанта игра на гостите кои дојдоа до 82:92 во завршницата, нокдаун од кој Денвер не можеше да се извлече и ја загуби мајсторката пред своите фанови за конечни 3:4 во серијата.
МекДениелс и Таунс со по 23 поени го предводеа гостинскиот тим во нападот, додека кај Денвер, Мареј и Јокиќ го завршија натпреварот со по 35, односно 34 поени, но немаа вистинска поддршка од соиграчите.
Минесота во конференциското финале ќе се соочи со Далас и ќе има предност на домашен терен, додека на Истокот, Индијана закажа конференциско финале против Бостон.
