Првиот фаворит за освојување на Австралија опен, Данил Медведев се пласираше во 3.коло со победата над домашниот тенисер Ник Киргиос.
Натпреварот траеше три часа и четири минути и заврши со резултат 3:1 – 7:6 (7:1), 6:4, 4:6, 6:2.
Медведев како втор носител, но главен фаворит откако Новак Ѓоковиќ не доби дозвола за настап, во следното коло ќе игра против Холанѓанецот Ботик ван де Зандшулп, на кого Ришар Гаске му го предаде мечот во 3. сет.
Киргиос на мечот против Медведев го приреди очекуваниот спектакл, атрактивни потези, сервиси под мишка, кавги со судиите и комуникација со публиката.
Тој пружи добар отпор во речиси два сета, но квалитетот беше на страната на рускиот тенисер и ги искористи своите можности да го добие секој од сетовите во вистинско време.
Впрочем, во првиот дојде рано до брејк, но Кирјос се врати со поддршка од трибините. Успеа да влезе во тај-брејк, а потоа целосно се распадна. Загуби седум последователни поени и така Медведев стигна до првиот сет.
Во вториот, сервисерите доминираа до 10. гем, кога Киргиос повторно потклекна, а Медведев го искористи тоа за да му го одземе сервисот и истовремено да го освои вториот сет.
Третиот сет беше речиси копиран до 7-ми гем, кога Австралиецот направи комплетно шоу. Тој го нападна Медведев, а потоа освои спектакуларен поен на мрежата, кој му донесе две брејк топки.
Тој истрча круг речиси низ целиот терен, а потоа ја претвори втората брејк топка во водство од 4:3, а подоцна со добри сервиси го освои третиот сет.
Таа еуфорија траеше уште неколку гејма, но потоа Медведев го искористи моментот на слабост на сервис на Киргиос, го одзеде сервисот и многу брзо рутински го приведе четвртиот сет, а со тоа и целиот меч.
Интересно, ова е прва победа на Медведев над Киргиос во кариерата, по двата порази во 2019 година.
