Најдобриот тенисер во светот Новак Ѓоковиќ остана без можност да ја брани титулата на Австралијан опен затоа што не беше вакциниран и австралиските власти му ја одзедоа визата, по што го депортираа од државата, но Србинот си најде турнир на кој ќе настапи на крајот на следниот месец.

Ѓоковиќ почна да прави планови за иднината, а очигледно на теренот ќе се врати во Дубаи, каде што се игра турнир од 21 до 26 февруари, додека Србинот е прв носител и ќе ја брката шестата титула.

За влез во Обединетите Арапски Емирати не е потребна целосна вакцинација, односно може да влезе во државата и со негативен ПЦР-тест, кој треба да го направи пред летот, но потоа и на аеродромот каде што ќе слета.

Србинот досега настапи 11 пати на турнирот, а освои пет титули, и тоа во 2009, 2010, 2011, 2013 и 2020 година