На денешен ден, пред четири години, се случи најголемата трагедија во италијанскиот и светски фудбал, откако пред мечот помеѓу Фиорентина и Удинезе од срцев удар во својата хотелска соба почина капитенот на „виолетовите“, Давиде Астори.

Поради тоа, сите мечеви во Серија А и Серија Б беа одложени, а неговите поранешни соиграчи, Диего Лопез и Карлос Санчез, колабирале на терен кога ја слушнале ужасната вест. Сите европски мечеви тогаш почнаа со едноминутно молчење, а неговиот број 13 е повлечен од употреба.

Претседателот на Фиорентина по смртта на Астори изјави дека тој треба да го обнови договорот веднаш по средбата со Удинезе. Неговиот голем пријател, Џорџо Кјелини, титулата европски првак ја посвети токму на прерано починатиот фудбалер.