Валтери Ботас вчера потпиша договор со Алфа Ромео, тим на кој ќе му се приклучи по завршувањето на актуелната сезона во Формула 1. Актуелниот светски шампион во 2022 година ќе има нов тимски колега во името на Џорџ Расел (23).

Шпекулациите се потврдија па возачот на Вилијамс од следната сезона ќе седне во болидот на Мерцедес. Младиот Британец е дел од Формула 1 веќе три години, а својот неверојатен талент го покажа зад воланот на Вилијамс, чиј болид важи за еден од најбавните во шампионатот.

Сепак и покрај хендикепот тој успеа да го освои второто место во квалификациите за Големата награда на Белгија на „Спа“ оваа сезона. Расел е дел од академијата на возачи на Мерцедес подолго време и беше логично дека еден ден ќе добие шанса во најсилниот тим.

Британецот лани еднаш го возаше болидот на Мерцедес, кога го замени Луис Хамилтон, кој беше позитивен на ковид-19. Беше втор во квалификациите на „Шакир“, а трката ја заврши на 9.место. Ќе имаше далеку подобар пласман ако не беа пеховите со неговите пневматици.