Шпанската млада сензација Карлос Алкараз беше непремостлива пречка за Марин Чилиќ. Алкараз во два сета се пласираше во осминафиналето .
Марин Чилиќ е поразен во шеснаесетфиналето на Мастерсот во Мајами. Подобар од него беше 14-тиот носител и финалист од Индијан Велс, младата сензација Карлос Алкараз.
Чилиќ навистина немаше премногу шанси на натпреварот. Единствената брејк топка ја имаше при 1:0 на 30:40, но Алкараз ја одбрани, а потоа направи брејк и го зеде првиот сет со 6:4 без преголема драма.
Во вториот сет Чилиќ подобро се држеше, во третиот гем спаси 0:40, но сепак при 4:4 Шпанецот направи нов брејк и потоа сервираше за сетот и мечот.
Иако сервираше речиси подеднакво успешно, Алкараз беше многу посигурен на вториот сервис со 71 отсто од поените, не грешеше ниту дозволи тешки ситуации и ги искористи своите шанси.
Во осминафиналето Алкараз го чека подобриот од дуелот на Стефанос Циципас и Алекс Де Минаур.
