Најдобриот тенисер на светот, Новак Ѓоковиќ, со убедлива победа над Гаел Монфис (6-3, 6-2) го почна настапот на турнирот во Мадрид, каде што ќе се обиде да почне да игра во препознатливата форма.

Со пласманот во третото коло, Србинот го осигура првото место на АТП-листата и за следната недела, што ќе биде 369-та досега со што само го зголемува својот неприкосновен рекорд.

Ѓоковиќ за пласман во четвртфиналето ќе ги одмери силите со подобриот од дуелот помеѓу Денис Шаповалов и Енди Мареј.