Пјер Емерик Обамејанг дојде во Барселона од Арсенал во јануари. Во вториот дел од сезоната за каталонскиот клуб постигна 11 гола, од кои два паднаа во синоќешната победа од 3:1 над Селта Виго. Габонскиот напаѓач на тој начин се покажа како профитабилна инвестиција на каталонскиот клуб.
Покрај тоа што придонесе тимот на тренерот Чави горе-долу мирно да ја доведе сезоната до крајот и да обезбеди пласман Лигата на шампионите, 32-годишниот Обамејанг се приближи и до рекордот кој го држи српскиот напаѓач Никола Жигиќ. Имено, Србинот дојде во шпански Расинг кон средината на сезоната 2009 и постигна 13 гола до крајот на вториот дел од шпанското првенство, што е рекорд до денес во однос на зимските трансфери.
