Фудбалерот на РБ Лајпциг, Кристофер Нкунку е прогласен за најдобар играч во Бундеслигата за сезоната 2021/2022.
Нкунку имаше одлична сезона во Бундеслигата оваа сезона. Тој ги одигра сите 34 натпревари и постигна 20 гола.
Покрај тоа, тој подели 15 асистенции и четири пати беше прогласен за играч на месецот.
Ова е прв пат во историјата еден играч да ја добие оваа награда четири пати.
Нкунку дојде во Лајпциг во јули 2019 година и потпиша петгодишен договор со германскиот тим, откако не успеа да се избори за постојано место во ПСЖ.
Нкунку играше многу добро и минатата сезона, но оваа сезона експлодираше. Тој го предводеше Лајпциг до четвртото место на табелата во Бундес лигата и учество во Лигата на шампионите следната сезона.
