Откако повторно ја освои двојната круна со Црвена звезда, Дејан Радоњиќ замина во Грција каде го презема Панатинаикос во својата втора странска авантура .
Продолжува да се распаѓа составот на шампионскиот тим на Црвена звезда, кој сезонава ја освои титулата во АБА и српската лига. По Дејан Давидовац кој замина во ЦСКА и Никола Калиниќ во Барселона, си замина и тренерот.
Дејан Радоњиќ веќе неколку дена од крајот на сезоната е предмет на шпекулации и дискусии дека е на излезната врата на клубот, а тоа го потврди и неговиот агент Мишко Ражнатовиќ. Радоњиќ оди во грчкиот гигант Панатинаикос.
Таму ќе го води тимот од Евролигата, а ова му е второ заминување во странство откако го водеше Баерн од 2018 до 2020 година. Тој беше во Звезда од 2013 до 2017 година и од 2020 година до денес.
Пред тоа осум години го водеше Будуќност, а во своите витрини има пет титули во АБА, седум црногорски лиги и шест купови, пет лиги и купови на Србија и две германски лиги.
