Садио Мане уште во официјалното деби го постигна првенецот во дресот на Баерн Минхен. Сенегалецот постигна гол за 2-0 на германскиот првак против Лајпциг. Баварците се на пат да го одбранат трофејот во германскиот Суперкуп.

Баерн покажува дека нема проблем што остана без голгетерот Роберт Левандовски, има и други играчи кои може да реализираат во клучни ситуации.

Младиот Мусијала претходно во 14-тата минута одлично се снајде во мешаницата пред голот на Црвените бикови, па го совлада Гулашчи со првиот шут на Баварците кон противничкиот гол.