Според новите информации од Шпанија, Бернардо Силва е блиску до потпис за Каталонците.

Како што објавија дел од медиумите, Силва веќе бара куќа во Барселона, а договорот би можел да биде потпишан во наредните денови.

Покрај Силва, Барселона до крајот на неделата ќе го доведе и Марко Алонсо со што би се комплетирал ростерот за новата сезона.

Во врска со Бернардо Силва, во последните неколку дена имаше информации дека ќе дојде во случај Френки де Јонг да ја напушти Барселона.

Де Јонг не сака да оди, а се чини дека каталонскиот клуб најде начин да го доведе и Силва.

Сега прашање е како сето тоа финансиски ќе се вклопи, а некои шпекулации велат дека Де Јонг го напушта Ноу Камп, но засега нема конкретни информации за тоа. Силва е член на Манчестер Сити од 2017-та година, а има договор до јуни 2025-та.

Идејата на Барса беше да го поништи договорот што Де Јонг го потпиша со претходното раководство на Бартомеу на 20 октомври 2020 година, со што холандскиот играч го продолжи договорот со Барселона до 2026 година во замена за намалување на платата во сезоните 20-21 и 21-22. Договор сличен на оној што Тер Штеген, Пике и Ленглет го направија на тие датуми.

Ситуацијата е напната. Де Јонг, кој одигра одличен меч против Пумас во неделата навечер во Жоан Гампер купот, сака да остане во клубот, но очигледно во Барселона на секој начин се обидуваат да го избркаат, односно да го продадат на некој од англиски клубови.

Покрај Манчестер Јунајтед, понуда имаше и од Челзи, а наводно во преговори се Барселона и клубот од Лондон, па ќе биде интересно да се следи расплетот на целата оваа ситуација.