Вардар не успеа да ја продолжи серијата без пораз во новата сезона во ЛШ. За првпат сезонава е поразен на домашен терен, и тоа од Монпеље со 25-31 во едно неубедливо издание.
Вардар по некомплетното 4. коло падна на петото место на табелата, има пет бода исто колку и францускиот тим.
„Честитики за Монпеље за добрата игра, во ниту еден момент не бевме близу, не бевме вистински противник. Вардар не личеше на онаа екипа од првите три кола. Жал ми е за атмосферата во салата која беше одлична. Монпелје мора да се респектира, го победи Кил, и тоа е тим кој доаѓа од Франција, земја каде се игра врвен ракомет. Со причина се плашев за овој меч, голем дел од играчите потфрлија, мораме да се дигнеме и да се продолжиме, сезоната е долга“, изјави Веселин Вујовиќ.
