Екипата на Гостивар продолжува со одличните резултати на стартот на сезоната во Првата лига. По триумфот над Пелистер, па актуелниот македонски првак МЗТ Скопје на гости, вечерва пред своите верни навивачи го совлада ТФТ со 90-83 за трета победа во низа.

Првите 20 минути имаше изедначена битка, во која за нијанса беа подобри домашните кошаркари, Гостивар поведе со 24-22, а потоа следниот период го доби со два коша разлика за 46-42 на одморот.

Пресудна за победата на Гостивар беше третата четвртина, ја добија со 21-13 и на стартот на последните десет минути имаа позитива од 67-55, доволно за нови бодови и продолжување на бајката.

На втората средба од истиот термин, Куманово беше подобар од Кожув со 92-78 за прв триумф оваа сезона.