Торино одигра одличен меч и успеа да го освои скалпот на шампионот Милан совладувајќи го со 2-1. По овој пораз „росонерите“ паднаа на третата позиција на табелата и имаат шест бода негатива во однос на Наполи.
Торино во првото полувреме го изненади тимот на Пиоли. Поведе со голот на Кофи Џиџи во 35.минута, а само две минути подоцна се надоврза и Алексеј Миранчук со уште еден погодок.
Милан во вториот дел се обиде да се врати во игра, намали Месијас Жуниор во 67.минута, но, немаше сили за израмнување.
