Австралија е најголемиот добитник во последните два меча во Д групата на Мундијалот во Катар и со победа од 1:0 се пласираа во осминафиналето, заедно со Франција, која е прва со подобра гол разлика.

Популарните Сокероси не чекаа ничија помош и со голот на Mетју Леки во 60. минута заслужено ја победија преценетата репрезентација на Данска, која беше посочена како фаворит од сенка, но си оди дома веднаш по првата фаза.

Тунис ја победи Франција со 1:0, но победата им е пирова, а на крајот славеа и со помош на ВАР системот, кој го поништи голот на Гризман во 98. минута.

Поведоа и победија со 1:0 со голот на Казри во 58. минута, но се покуси за два бода од Франција и Австралија.

Франција ќе игра во осминафиналето со второпласираната селекција од Ц групата, во која последните мечеви се играат вечерва од 20 часот меѓу Полска и Аргентина и Саудиска Арабија и Мексико.

Австралија ќе игра со победникот од оваа група, а моментно табелата во Ц групата изгледа вака:

Полска 4, Аргентина и Саудиска Арабија по 3, Мексико еден бод.