Дејан Георгиевски, нашиот херој од последните ОИ во Токио уште еднаш ја израдува Македонија. Имено таеквондистот освои бронзен медал на Гран-при турнирот во Ријад, С. Арабија на турнирот на кој учествуваат најдобрите во тој спорт во светот. Со тоа нашиот Дејан испиша уште еднаш историја за спортот во Македонија.
Во битката за третото место Георгиевски го победи Смаил Дуисебеј од Казахстан, претходно во полуфиналето загуби од Чејк Салах Сисе од Брегот на Слоновата коска во категоријата до 80 кг.
