Баерн Минхен се проби на врвот на табелата во Бундес лига со три бода предност пред Борусија Дортмунд, откако попладнево во баварското дерби, го совлада Аугсбург со 5-3.

Борусија од 18.30 часот гостува кај соседот и стар ривал Шалке 04, па ќе има прилика да се изедначи со Баварците.

Аугсбург поведе со 1-0, но потоа Баерн со четири гола до крајот на првото полувреме, од кои едниот сефте на Жоао Кансело, ги реши дилемите околу победникот.

Аугсбург поведе со голот на Мергим Бериша во третата минута, но израмни Жоао Кансело во 15.минута. Бенјамин Павар беше стрелец на следните два гола, а до крајот на полувремето погоди и Лирој Сане.

Мергим Бериша од пенал постигна втор погодок за 4-2, потоа стрелаше Антонио Дејвис во 74.минута, а конечниот епилог го постави Кардона.

Лајпциг со 3-0 славеше против Борусија Менхенгладбах. Гостите не реализираа пенал, а потоа Вернер, Форсберг и Гвардиол донесоа убедлив триумф.

Ајнтрахт и Штутгарт ремизираа 1-1, а идентичен беше резултатот и на мечот Херта – Мајнц.