Марин Чилиќ влезе во друштво на великаните! Новак Ѓоковиќ, Роџер Федерер, Рафаел Надал, Енди Мареј и Хуан Мартин дел Потро заедно со Марин Чилиќ се единствените активни тенисери со 20 или повеќе титули во кариерата!
Чилиќ долго време ја бараше вистинската форма, игра и самодоверба и конечно ја најде во овие две недели во Русија. До финалето стигна во Москва, а во Санкт Петербург тој отиде чекор понатаму и го освои турнирот.
За Чилиќ тоа е втора титула сезонава и 20-та во кариерата, на трева го освои Штутгарт, а овде по вторпат на овој турнир славеше . Уште во 2011 година за прв пат победи во Санкт Петербург со победа против Јанко Типсаревиќ.
Во финалето противник му беше Американецот Тејлор Фриц, кој е пред негона АТП-листата. За Фриц ова беше шесто финале во кариерата и петти финален пораз, а единствената титула и понатаму е онаа од трева на Истбурн во 2019 година кога славеше против Сем Квери.
Во ова финале Марин прв направи брејк и поведе со 4:2, но Фриц успеа да се врати откако Марин ја промаши сет топката. Одлуката падна во тај-брејкот каде Чилиќ беше подобар со 7:3.
Во вториот сет, Чилиќ двапати имаше брејк предност, но двата пати го загуби сервисот во следниот гем. На крајот не издржа, повторно го загуби сервисот за да остане во сетот и Фриц со 6:4 стигна до вториот сет.
Фриц подобро го започна решавачкиот сет, поведе со 3:1, но Марин потоа ја подигна играта, освои пет од следните шест гема и дојде до титулата.
Чилиќ го заврши мечот со 12 асови, реализираше пет од седумте брејк можности, а Фриц имаше дури пет брејк топки повеќе, но ги искористи исто колку и Марин.
АТП Ст. Петербург, финале:
Марин Чилиќ (Хрватска) – Тејлор Фриц (САД) 7: 6 (3), 4: 6, 6: 4
