Дисциплинската комисија на Евролигата ги изрече казните за најагресивните во вчерашната тепачка на мечот помеѓу Реал Мадрид и Партизан (80-95), втор од четвртфиналната плејоф-серија од Евролигата, кои двата тима ги оставија без можеби клучните кошаркари.

Очекувано, најлошо мина Гершон Јабуселе, кој поради кечерскиот зафат врз Данте Ексум ќе ги пропушти следните пет меча на „кралевите“ во ова натпреварување, додека суспензија од два натпревари доби и Кевин Пантер, кој беше еден од инцијаторите на инцидентот во кој потоа со боксови удри по Џанан Муса. По еден меч ќе пропуштат Габриел Дек од Реал и Матјас Лесор од Партизан, а двата тима ќе треба да платат по 50.000 евра.

Црно-белите водат со 2-0 во серијата до три победи. Следниот меч се игра во вторник во Белград, а ако има потреба таму ќе се одигра и четвртиот натпревар и тоа в четврток. Евентуалната „мајсторка “ е за десетина дена пак во Мадрид.