Римски Лацио направи огромен чекор кон обезбедување место во Лигата на шампионите следната сезона, откако минимално, но заслужено, како гостин, вечерва го совлада Удинезе (1-0) во меч од 36. коло од Серија А.

Ова беше прв триумф за римјани по двата натпревари без победа и тоа против одличната екипа од Удине, кој немаше среќа да дојде барем до бод. Македонскиот интернационалец, Илија Несторовски, доби шанса во последните дваесетина минути, во кои дури и постигна гол за евентуално изедначување, кој, сепак, беше поништен поради офсајд.

 

На две кола до крајот на првенството, Лацио е третопласиран со 68 бодови, еден помалку од Јувентус, четири повеќе од Милан, кој е прв под линијата која означува кои екипи ќе играат во ЛШ следната сезона.