Првиот тим на Барселона нема да биде ист без капитенот Серхио Бускетс и Чави нагласи дека мора да се купат двајца фудбалери за врска, од кои еден по се изгледа ќе биде Илкај Гундоган.
Најреномираните медиуми од Каталонија и Шпанија ова попладне излегоа со ексклузивни информации дека германскиот репрезентативец донел одлука за својата иднина, а тоа е продолжување на кариерата во Барселона.
Гундоган беше клучен играч во историската сезона на Манчестер Сити во која беше освоена трипла круна, но по долго размислување, сепак решил да не продолжи во Сити како „граѓанин“ и да се пресели на „Камп Ноу“.
Германецот со турско потекло дал зелено светло за комплетирање на трансферот и како слободен агент ќе потпише двогодишен договор со Барселона, со опција истиот да биде продолжен за уште една дополнителна сезона.
Угледните „Мундо Депортиво“, „Спорт“ и „Марка“ ексклузивно објавија дека работата треба да биде комплетирана до крајот на денот, а спортскиот директор Матеу Алемани веќе е „уловен“ во Минхен каде ќе води завршни разговори со Гундоган.
https://twitter.com/BarcaUniversal/status/1671497400811233280?s=20
