Најскапиот светски фудбалер Нејмар после шест години многу веројатно е дека ќе се врати во Барселона, најави Калид Валид од „Беин Спорт“, откако ПСЖ и каталонската гордост постигнале наводно начелен договор за трансфер.
Бразилецот замина од Барселона во 2017 година за сѐ уште светски рекорден трансфер од 222 милиони евра, но веќе подолго време не е најомилен кај навивачите на ПСЖ, кои дури и протестираа пред неговата куќа во мај годинава барајќи да си замине од „Паркот на принцовите“.
Според нинформациите на Валид, Нејмар би можел да дојде во Барселона на заем, зашто нема шанси Барселона среде најголемата финансиска криза да плати трансфер отштета, но комплетирањето на трансферот сепак најмногу ќе зависи од конечниот договор за платата, а само еден услов за реализација е можен – ПСЖ да исплаќа најголем дел од платата.
Нејмар во Париз има плата над 40 милиони евра, нешто што Барса не може да го исполни за да го земе на заем и комплетно да го плаќа.
Дали ќе се договорат парижаните и каталонците останува времето да покаже, но ПСЖ почнува нова ера и Нејмар не е во плановите, а францускиот гигант бара фудбалерот после едногодишниот заем задолжително да биде откупен.
Барса летово поради финансиската криза не успеа да го донесе Лионел Меси, зашто не можеше да гарантира дека ќе успее да го регистрира, од истата причина поради која го загуби аргентинецот во 2021 година, кој сега се сели во Интер Мајами.
