Ракометарите на Шведска одиграа одличен натпревар против домаќинот Германија и триумфираа со 34-31 во битката за третото место на Европското првенство (ЕП).

Германија водеше на почетокот на дуелот со 2-1, но потоа Швеѓаните ја преземаа контролата и до полувремето зголемија на шест гола предност (18-12).

Домаќинот се мачеше во второто полувреме за да ја анулира негативата, но не му одеше од рака. Во финишот успеа да намали на 29-30, но Шведска не дозволи пресврт и ја зачува предноста до крајот на мечот (34-31).

Прво име на натпреварот беше шведскиот голман Паличка со деветнаесет интервенции. Најефикасен во победничкиот табор беше Феликс Клар со осум голови, а ист учинок кај Германија забележа Ренарс Ушчинс. Шведска сосема заслужено го освојува бронзениот медал и одново се враќа со огромен успех од континенталните собири.