МВП трофејот за најдобар кошаркар заврши кај Бенедикт Матурин, член на домашните „пејсерси“. Ова е 73. издание на пресметките на најдобрите во најсилната лига на светот, а на најважниот натпревар му претходат неколку традиционални настани. Младите кошаркари беа поделени во четири екипи, чии тренери беа поранешните кошаркари како Џејлен Роуз, Детлеф Шремпф, Пау Гасол и Тамика Кечингс.
Посебно интересно беше што најголемиот фаворит за епитетот „дебитант“ на годината, Французинот Виктор Вембањама, кој настапуваше за тимот на Пау Гасол, беше елиминиран уште во полуфиналето од тимот на Шремпф со 41-36. Во второто полуфинале, тимот на „Роуз“ го совлада тимот на „Тамика“ со 40-35 и со тоа го обезбеди финалето, а подоцна и победничкиот трофеј. Полуфиналните натпревари се играа до 40 поени, а финалниот до 25.
Најголемата забава е в недела, кога најдобрите ќе се појават на паркетот, а претходно вечер ќе се натпреваруваат во вештини, брзи тројки и атрактивни забивања. Во првото натпреварување ќе учествуваат три тима – тимот на Индијана (Тајрис Халибартон, Бенедикт Матурин, Мајлс Тарнер), тимот „први избори на драфтот во НБА“ (Паоло Банкеро, Ентони Едвардс, Виктор Вембањама) и Ол-стар тимот ( Скоти Барнс, Тајрис Макси, Треј Јанг). Малик Бисли, Бренсон, Халибартон, Лилард, Марканен, Мичел, Таунс и Јанг ќе шутираат тројки, додека Џејлен Браун, Џејми Џекиз Џуниор, Мек Мекланг и Џејкоб Топин ќе се обидат со атрактивни забивања да направат големо шоу.
Најголемата промена е воведувањето на дуел за шутирање три поени меѓу најдобриот шутер во НБА и во женската ВНБА лига. Во „престрелката“ ќе учествуваат Стеф Кари и ѕвездата на Њујорк Либерти, Сабрина Јоанексу.
