Лидерот во италијанското првенство продолжува со победи. Интер стигна до 24. триумф оваа сезона откако ја победи Болоња на гости со 0-1.

Стрелец на победичкиот гол за „нероаѕурите“ беше Јан Бисек во 37.минута од дуелот.

Тренерот на Интер, Симоне Инзаги, на овој меч играше со комбиниран состав, поради тоа што Интер го очекува реванш меч од осминафиналето во Лигата на шампионите против Атлетико Мадрид.

Интер врза десет победи по ред во Серија А откако со 1-0 славеше на гостувањето кај Болоња и тоа без Лаутаро Мартинез кој одмараше за мечот од Лигата на шампионите со Атлетико Мадрид.

Во второто полувреме Болоња силно напаѓаше за да го изедначи резултатот, но момците на Симоне Инзаги се одбранија и ја сочуваа предноста од 1-0.

Интер сега има 18 бода пред Јувентус, но старата дама утре го игра својот дуел од колото, ја пречекува Аталанта во Торино.