Екипата на Барселона ја победи Валенсија со 4-2 во интересна пресметка исполнета со шест гола. Херој на вечерта беше полскиот голгетер Роберт Левандовски кој постигна хет-трик и се погрижи за пресврт и триумф за каталонскиот тим.
Фермин Лопез во 22.минута постигна гол со глава после одличното нафрлување на Рафиња за водство на Барселона, но само пет минути подоцна израмни Хуго Дуро по катастрофалната грешка на Тер Штеген надвор од шеснаесетникот.

Араухо го фаулира Гонзалез во шеснаесетникот, па Пепелу од пенал обезбеди предност за Валенсија на полувремето, но пред да заминат тимовите на одмор, голманот на Валенсија Ѓорѓи Мамардашвили доби црвен картон затоа што играше со рака надвор од казнениот простор по акцијата на Ламин Јамал.

Ова Барселона комплетно го искористи во второто полувреме, а трите гола ги постигна Левандовски. Полјакот во 49.минута израмни со глава на 2-2, се погрижи за целосен пресврт во 83.минута повторно со удар со глава, а за крај постигна и прекрасен гол од слободен удар.